«Ord som gjev håp og går rett til hjarta»

Tilbakemeldingane begynner å kome inn. Har er nokre av dei.

Takk for ei nydeleg bok. Tekstane går rett til hjarte. Dei ber preg av LEVD LIV.~Berit Rundereim Åndal, Stad

Så kom boka i postkassen! Ho er berre nydeleg! I format, omslag og ikkje minst innhald!~Gunvor Mehl, Kvinnherad

Takk for boka som eg fekk i posten i dag! Gler meg til å lese i den! Og by the way; likte så godt formatet og oppsettet! Heilt nydeleg!

I dag kom boka. Blir ydmyk, rørt, glad og imponert. Her var det mange perler….levd liv som går rett til hjertet! Har bare skumlest. Må ha meg mange stille stunder med denne!

Tusen takk for den fine boka, Solveig Johanne. Eg kjenner meg så igjen i mange av dikta dine. Av og til renn tårene når eg les fordi dei går rett til hjertet og dei gir håp når alt kjennes mørkt og uoverkommeleg. Tusen takk!

Kjøp boka her, på http://www.tekstforlag.no eller i bokhandel.

«Når dagane ikkje finst» i sal no

«Når dagane ikkje finst»

i sal no

«då kom du
og haldt

ljoset mitt»

«Når dagane ikkje finst», er ei bok om å mista og om å finna, om livssorg og livsglede og ei reise mellom håplaust mørker og nytt håp. 

Forfattar og parterapeut Bjørk Matheasdatter, som har brukt fleire av Solveig sine dikt i si nyaste bok, Å løfte og bli løftet (Gyldendal forlag), seier dette: «Solveig Johanne Grønstøl sin poesi minner meg om diktene til Hans Børli. Som han ser hun det store i det lille på et enkelt og samtidig genialt vis. Ordene hennes løfter livet frem og gir varme og styrke til den som leser.»

Solveig Johanne Grønstøl (f. 1978) bur på Bømlo, men har røtene sine i Nordfjord og Sunnhordland. Ho er utdanna lærar, og har tidlegare gitt ut ein CD med eige låtmateriale, samt boka Kvild, som kom i 2015. «Når dagane ikkje finst» blir gitt ut på Tekst forlag, og er Solveig si første diktbok. 

Bestill på tekstforlag.no eller direkte hos Solveig.

Du kan og kjøpa boka i bokhandelen.

Signe kvila

Eg har aldri møtt verken Solveig eller bestemora hennar. Likevel: heilt sidan førsteopplaget av denne boka kom i ut i 2015, har dei to hjelpt meg til å ta ein kvil når eg treng det. Eller, som dei har lært meg å kalle det: å få meg ei kvild. «No treng du å få deg ei kvild, Ragnhild», har eg høyrt dei seie omsorgsfullt, og så går eg og legg meg ned i to minutt.

Bestemor til Solveig var fembarnsmor slik som eg óg er. Tre månadar om vinteren såg ho sola berre skine på den andre sida av fjorden. Nokon gonger er livet sånn. I mange år. «I slike tider vert kvilda meir kjær. Bestemor måtte ta seg ei kvild både titt og ofte. Og eg, eg fann alltid kvild i hennar varme kjøken» skriv Solveig. Det er trøyst i det.

«Kvild» lar deg bli med inn på bestemor sitt kjøken og finna kvild der. Dette er ei lita bok for deg som er trøyt og lei av overflate, plastikk og polerte facebookfasadar. «Kvild» er for deg som er ute etter det sanne, ekte, ærlege og værbitte. Den er for deg som har opplevd at segla har revna etter ein storm (eller ti). Her kan du glida inn på ein våg du ikkje visste om, og finna kvile. Eller kvild, om du vil.

Velkomen til Solveig si verd. Det er ei verd med mykje lys og nåde; der det er skattar gøymde i mørket, og der Gud stadig jagar etter deg med sin godleik. Som Solveig skriv det: «Gud gjev deg aldri opp.»

Hos Gud kan du kvile med heile di tyngde. Det er nåde, det. Signe kvila!

Ragnhild Helena Aadland Høen, 10. august 2020

Ragnhild er kommunikasjonsleiar ved MF vitenskapelig høyskole, skribent, mor og ein heilt vanleg kristen. Ho har skrive eit nytt forord til Kvild.